SİZİN TƏK ƏYLƏNCƏ MƏRKƏZİNİZ

6 956 ƏDƏD UŞAQ OYUNCAĞI SATIŞDAN ÇIXARILIB

Admin — Fri, 11 Dec 2009 15:27:25 GMT

Azərbaycan İqtisadi İnkişaf Nazirliyi yanında İstehlak Bazarına Nəzarət üzrə Dövlət Xidməti tərəfindən «Sədərək» ticarət mərkəzində monitorinq aparılıb

Nazirlikdən verilən məlumata görə, monitorinq zamanı ticarət mərkəzində mənşəyi bəlli olmayan 6 956 ədəd uşaq oyuncağı satışdan çıxarılıb.

Satışdan çıxarılmış oyuncaqların üzərində istehsalçının adı, ünvanı, standartın (normativ sənədin) işarəsi, istifadə qaydaları barədə məlumatlar göstərilmədiyindən, onların məhv edilməsi barədə Dövlət Xidməti tərəfindən qərar qəbul edilib və qeyd edilən uşaq oyuncaqları qanunvericilikdə nəzərdə tutulmuş qaydada məhv edilib.

Röya: "Bəlkə səhnədə doğdum"

Admin — Wed, 23 Sep 2009 11:17:43 GMT

Konsert zamanı təcili yardım maşınları Opera və Balet Teatrının qarşısında keşik çəkəcək

Həkimlərin dediyinə görə, Röya hamiləliyin son ayında olduğundan, konsert zamanı yüksək diapazonlu səs-küydən uşağın dünyaya gəlməsi tezləşə bilər. Bu səbəbdən konsert zamanı təcili yardım maşınları Opera və Balet Teatrının qarşısında keşik çəkəcək. Röya hətta «Hər şey ola bilər, bəlkə də səhnədə doğdum. Amma ümid edirəm ki, bu baş verməyəcək, çünki eşitdiyimə görə, oğlan uşaqları vaxtından gec doğulurlar. Həkimlər isə mənə noyabrın 4-ə vaxt qoyublar», - deyə bildirib.

Xaçmazda daşqının nəticələri tam olaraq aradan qaldırılmayıb

Admin — Wed, 23 Sep 2009 11:16:16 GMT

Yalnız Gödəkli və Alekseyevka kəndlərindən suyu çəkmək mümkün olub

Leysandan sonra Xaçmaz rayonunun 10 kəndində yaranmış daşqının nəticələri hələ də tam olaraq aradan qaldırılmayıb. Kəndlərdə Fövqəladə Hallar Nazirliyinin 30-dək texnikası, 8 xüsusi təyinatlı nasosu və 150-dək canlı qüvvəsi fəaliyyət göstərir. Rayon fövqəladə hallar komissiyasından verilən məlumata görə, 10 yaşayış məntəqəsindən hələlik yalnız ikisində, Gödəkli və Alekseyevka kəndlərindən suyu çəkmək mümkün olub.

Qeyd edək ki, güclü yağışlar nəticəsində rayonun 10 yaşayış məntəqəsi, daha çox isə Nərəcan və Ləcət kəndləri ziyan çəkib. İlkin məlumatlara görə, bu kəndlərdə uçmuş evlərin sayı 30-a, qəza vəziyyətində olan tikililər isə 200-ə çatıb.

Kəndlərdə yalnız evlərə deyil, yardımçı tikililərə, toyuq-cücə və mal-qaraya, həmçinin ehtiyat anbarlarda saxlanılan un və taxıla da zərər toxunub.

Teleserial

Admin — Wed, 16 Sep 2009 09:32:49 GMT

“Kurtlar Vadisi Pusu” qayıdır

Teleserial oktyabrın 1-dən etibarən yeni seriyaları ilə yayıma başlayacaq

Həyəcanlı bir sezon finalı ilə yayım mövsümünü başa vuran “Kurtlar Vadisi Pusu” teleserialı oktyabrın 1-dən etibarən yeni seriyaları ilə yayıma başlayacaq. ANS PRESS Türkiyə mətbuatına istinadən xəbər verir ki, film “Star” telekanalında hər həftənin cümə axşamı günü yerli vaxtla saat 22.00-də (Bakı vaxtı ilə 00.00) tamaşaçılara təqdim olunacaq. Yeni bölümlərin çəkilişləri isə sentyabrın 15-də başlayacaq. Artıq “Star” TV-nin internet saytında serialdan fraqmentlər tamaşaçılara təqdim olunmağa başlayıb.

Mədəniyyət

Admin — Wed, 16 Sep 2009 09:30:49 GMT

57 yaşlı Hollivud ulduzu Patrik Sveyzi öldü

20 aydır mədəaltı vəzin xərçəngi xəstəliyindən əziyyət çəkən aktyor təxminən iki il yaşayacağını əvvəlcədən demişdi

Tanınmış Amerika aktyoru, “Çirkli rəqslər” (“Dirty Dancing”), “Qarabasma” (“Ghost”) filmlərinin baş rolların ifaçısı Patrik Sveyzi 57 yaşında dünyasını dəyişib. ANS PRESS, “Associated Press” agentliyinə istinadən xəbər verir ki, məlumatı aktyorun rəsmi nümayəndəsi və bioqrafı Annet Vulf verib.
Son il yarım ərzində Patrik Sveyzi mədəaltı vəzin xərçəngi xəstəliyindən əziyyət çəkirdi. Onun özü bildirmişdi ki, ömrünün sonuna təxminən iki il qalıb.
Annet Vulfun sözlərinə görə, aktyor 20 aydır ki, əziyyət çəkdiyi ağır xəstəliyə qarşı mübarizəni davam etdirə-etdirə ailə üzvlərinin əhatəsində vəfat edib.
Patrik Sveyzi Brodvey rəqqaslığından Hollivid ulduzluğuna qədər yaradıcılıq yolu keçib.

Mədəniyyət

Admin — Wed, 16 Sep 2009 09:29:27 GMT

Türkiyəyə Opera günləri başlayır

Ölkəmizi Fidan Hacıyeva təmsil edəcək

Sentyabrın 22-dən oktyabrın 3-dək Türkiyədə Opera günləri keçiriləcək. «Türksoy»un təşkil etdiyi tədbirdə türkdilli ölkələrin ən qabaqcıl vokal ustalarının iştirak edəcək. Opera günlərində ölkəmizi Akademik Opera və Balet Teatrının solisti, Respublikanın əməkdar artisti Fidan Hacıyeva təmsil edəcək. «Mən bir neçə il öncə «Türksoy» festivalına qatılmışdım. Orada ifa etmişdim və çox bəyənilmişdim. Mən bu il də Azərbaycanı təmsil edəcəm. Bütün günü konservatoriyada məşqlər gedir».,- deyə F.Hacıyeva qeyd edib.

Səfər Mədəniyyət və Turizm Nazirliyinin dəstəyi və türkdilli ölkələrin mədəniyyət qurumu- «Türksoy»un xətti ilə reallaşacaq. Bütün türkdilli ölkələrin ən qabaqcıl vokalçılarını bir araya gətirəcək builki Opera günləri məşhur Qazax dastanı «Kız Jibek»in 500 illik yubileyinə həsr olunub.

Fidan Hacıyeva Opera günləri çərçivəsində İstanbul və Mersin şəhərləri, həmçinin Kiprdə keçiriləcək üç konsertdə çıxış edəcək, Jizel Bizenin «Karmen», Sen-Sansın «Samson və Dalila» operalarından parçalar və Üzeyir Hacıbəylinin «Sevgili canan» romansını ifa edəcək.

Qeyd edək ki, 2008-ci ildə 11-ci «Türksoy» Opera Günləri isə türk operasının ilk əsəri və Şərqin ilk operası olan «Leyli və Məcnun»un 100 illiyinə həsr olunmuşdu.

Barselona ötənilki uğurunu təkrar edə bilməyəcək

Admin — Tue, 15 Sep 2009 09:35:56 GMT

Leonel Messi hesab edir ki, bu çətin olacaq

Ötən mövsümdə Leonel Messi “Barselona”nın heyətində İspaniya çempionatının, İspaniya kubokunun qalibi olaraq UEFA-nın ən yaxşı oyunçu nominasiyasında da, qalib gəlmişdi. Çempionlar Liqasında yeni mövsümün startı ərəfəsində Uefa.com Leonel Messidən müsahibə götürüb. Müsahibənin maraqlı olduğunu nəzərə alaraq, onu olduğu kimi təqdim edirik:

- UEFA-nın ən yaxşı futbolçusu nominasiyasında qalib gəlmisiniz. Bu mükafat sizin üçün nə deməkdir?

Belə vacib mükafatı əldə etmək mənim üçün olduqca xoşdur.

- FİFA-nın dünyanın ən yaxşı oyunçusu nominasiyasında qalib olmaq şansınızı necə dəyərləndirirsiniz?

Ötəm mövsüm “Barselona” əla çıxış etdi. Buna görə bu klubun bütün oyunçularının dünyanın ən yaxşı futbolçusu seçilməyə layiq olduğunu düşünürım.

- Bu yaxınlarda “Barselona” Zlatan İbrahimoviçi transfer etdi. Bu futbolçunun oyun üslubu Samuel Etodan nə ilə fərqlənir?

İbrahimoviç fiziki cəhətdən güclü idmançıdır. Düşünürəm ki, İbrahimoviç İspaniyada oynamağa tam uyğunlaşandan sonra “Barselona”ya daha çox xeyir verəcək.

- “Barselona”nın ötənilki uğurlarını təkrarlayacağını güman edirsinizmi?

“Barselona” ötən mövsüm hər bir klubun qibtə edəcəyi uğurlara imza atdı. Bu mövsüm eyni nəticəni təkrarlamaq çox çətin olacaq.

- Ağır mövsümün sonunda necə istirahət etdiniz?

Yaxşı istirahət etmişəm. İstirahətlə yanaşı fiziki hazırlığa xüsusi diqqət yetirmişəm. Yeni mövsümə özümü tam hazır hesab edirəm.

- Dünyanın ən güclü klubunda oynamaq necə hisslər bəxş edir?

“Barselona”da oynamağımdan qürur hissi keçirirəm. Bu klubda çox güclü futbolçular var. Onlarla çiyin-çiyinə oynadığıma görə çox xoşbəxtəm.

- Futbol karyeranızda zirvəyə çatdığınızı düşünürsünüzmü?

Hələ də səviyyəmi artırmaq haqqında düşünürəm. “Barselona”nın heyətində daha çox titul qazanmaq istəyirəm.

- Çoxları builki “Barselona”-“Real” Madrid qarşılaşmalarının çox prinsipial keçəcəyini bildirir. Sizin fikrinizcə, bu matçlar hansı ab-havada baş tutacaq?

“Real” Madridin heyətində bir çox dahi oyunçular var. Bizim klubun heyəti də, ondan heç də, geri qalmır. “Barsa” ilə “Real” arasında oyunlar həmişə prinsipial keçib. Budəfəki qarşılaşmaların da, bu cəhətdən fərqlənməyəcəyini düşünürəm.

Hulusi Kılıç:“Azərbaycan Türkiyədən xəyanətkar addım gözləməsin”

Admin — Tue, 15 Sep 2009 09:32:58 GMT

Səfir türklərin həmişə azərbaycanlı qardaşlarının yanında olduğunu deyib

“Türkiyə heç vaxt Azərbaycanın əleyhinə, onun maraqlarına zidd olan addım atmaz. Biz həmişə Azərbaycanın yanında olmuşuq”. Bunu bu gün Bakının azad edilməsinin 91 illiyi münasibəti ilə Şəhidlər Xiyabanındakı Türk şəhidlərinin xatirəsinə ucaldılmış abidəni ziyarət edən Türkiyənin Azərbaycandakı səfiri Hulusi Kılıç deyib. O, Azərbaycana Türkiyədən xəyanətkar addım gözləməməyi məsləhət görüb.

Qeyd edək ki, Bakının azad edilməsinin 91 illiyi münasibəti ilə keçirilən tədbirdə Azərbaycan və Türkiyənin himnləri səsləndirilib. Abidənin önünə əklil qoyulub. Bundan sonra tədbirdə iştirak edən səfirlik nümayəndələri, millət vəkilləri, ziyalılar Şəhidlər Xiyabanını ziyarət ediblər.

Hadisə üzr istədi

Admin — Tue, 15 Sep 2009 09:29:47 GMT

Türkiyənin “Avroviziya” təmsilçisi sözlərinin yalnış anlaşıldığını deyib

Türkiyənin “Avroviziya-2009” təmsilçisi Hadisə azərbaycanlılardan üzr istəyib. O, sözlərinin yanlış anlaşıldığını deyib. “Azəriləri çox sevirəm. Hamısından üzr istəyirəm”.

Qeyd edək ki, Hadisə yerli televiziya proqramlarından birində Türkiyə-Ermənistan sərhədinin açılmasını dəstəkdiyini bildirmişdi. O, həmçinin Türkiyə ilə Ermənistan arasında bir sülh mələyi olmaq istədiyinidə dilə gətirmişdi.

Dünyanın ən hündür insanı

Admin — Mon, 14 Sep 2009 10:14:47 GMT

Leonid Stadnik dünyanın ən hündür insanı hesab edilir