Bu gün Gürcüstanda növbəti terror aktı törədilib. Hadisə Gürcüstanın İnqiri (Qərbi Gürcüstan) kəndi ərazisindəki dəmir yolu məntəqəsi yaxınlığında baş verib. Partlayış zamanı xəsarət alanların olmadığı bildirilir. Məlum olub ki, yalnız elektrovoz və qatarın birinci vaqonuna zərər dəyib.

Qeyd edək ki, güclü partlayış baş verən zamanı həmin yerdən Tiflis-Zuqdidi sərnişin qatarı keçirmiş.

Hazırda hadisə yerində hüquq-mühafizə orqanlarının əməkdaşları çalışır.