Azərbaycanın xarici işlər naziri Elmar Məmədyarovla Türkiyənin xarici işlər naziri Əhməd Davudoğlunun telefon danışığının detalı açıqlanıb.

Azərbaycanın Türkiyədəki səfiri Zakir Həşimovun sözlərinə görə, nazirlər Qarabağ problemi həll olunmayanadək Ermənistan-Türikyə sərhədinin açılmayacağını bildiriblər: "Əgər Qarabağ problemi həll olunarsa, sərhəd qapılarının açılmasını normal qarşılayarıq. Problem həll olunsun, qaçqınlar torpaqlarına qayıtsın, ondan sonra təbii ki, bütün məsələlər barədə danışmaq olar." Z.Həşimov qeyd edib ki, bundan sonra hətta oturub hər hansı bir layihə üzərində razılaşmaq da mümkündür. Elə Elmar Məmmədyarov və Əhməd Davudoğlu da telefon danışıqlarında bunları bildiriblər" deyə səfir bildirib.