Ötən gecə Bakının Xətai rayonu ərazisində 22 yaşlı Zeynalova Pərvanə Elbrus qızı yaşadığı mənzilin eyvanından özünü atıb. O, aldığı xəsarətlərdən dünyasını dəyişib. Hadisə Nəsrəddin Tusi küçəsindəki 2942-ci məhəllədə baş verib. Pərvanə Zeynalova özünü binanın 12-ci mərtəbəsindən atıb.
Baş vermiş bədbəxt hadisə barədə Xətai rayon hüquq-mühafizə orqanlarına məlumat verilib. Faktı araşdıran rayon prokurorluğunun müstəntiqi Rəşad Əliyevin verdiyi məlumata görə, faktla bağlı Cinayət Məcəlləsinin 125-ci (Özünü öldürmə həddinə çatdırma) maddəsi ilə cinayət işi başlanılıb. Hələlik mərhumun qohumlarının ifadələri alınır.
Qonşuların ANS PRESS-ə verdiyi məlumata görə, Pərvanə Zeynalova ilə həyat yoldaşı arasında artıq bir neçə gündür mübahisələr baş verirmiş. Ötən gün də Pərvanə və həyat yoldaşı mübahisə ediblər. Prokurorluq mübahisənin səbəblərini araşdırır. // ANSPRESS