Vaxtilə uzunömürlülər ölkəsi adlandırılan Azərbaycanda indi barmaqla sayılacaq qədər uzunömürlü qalıb. Onlardan biri də Xaçmazın Şərifoba kəndində yaşayan 110 yaşlı Pərvanə Allahverdiyevadır. Pərvanə Əli qızı Allahverdiyevanın rəsmi sənədə görə indi 103 yaşı olsa da, ailə üzvləri iddia edir ki, sənəddə onun yaşı az göstərilib.
Ağbirçək, yaşının çox olmasına baxmayaraq işləməyi sevdiyini deyir.
Nənənin ailə üzvləri onun belə çox yaşamasının əsas səbəbini sağlam qidalanmasında görürlər. Onun bacısı Sənəm Zeynalova P. Allahverdiyevanın təmiz qidalar ilə qidalandığını bildirib.
Qeyd edək ki, əslən Siyəzənin Sədan kəndindən olan Pərvanə nənə Xaçmazın Şərifoba kəndinə gəlin gəlib. O, iki dəfə ailə həyatı qurub, həyat yoldaşlarının hər ikisi vəfat edib. İndi onun 5 övladı 18 nəvəsi 12 nəticəsi var.